എനിക്ക് മുന്നേ ഓടിയവർ

-

"10, 22 വയസ്സായി...
ഇതിൽ ഇങ്ങനെ കുത്തി ഇരിക്കാതെ ആ മരം മുറിക്കുന്നെ ഒക്കെ ഒന്നു പോയി നോക്കിക്കൂടെ നിനക്ക്..."

ജനലിനിടയിലൂടെ അമ്മ എന്നെ നോക്കി പറഞ്ഞു...

എൻ.എസ്.എസിന്റെ വാട്ട്‌സാപ്  ഗ്രൂപ്പിൽ പൊരിഞ്ഞ തർക്കം നടക്കുമ്പോഴാ...!!!

പതിനായിരം മരം നടാമെന്നു ഒരു ടീം...

വെയിലത്തിരുന്നു മരം നടാൻ പറ്റില്ലെന്നും,ബോധവൽക്കരണ ക്ലാസ്സ്‌ ആണു നല്ലതെന്നും വേറൊരു ടീം...

ഇതിന്റെ എല്ലാം ഇടയിലൂടെ ആണു അച്ഛന്റെ കാലൊച്ച കേട്ടത്...

മെല്ലെ  എണീറ്റു വീടിനു പിന്നിലെ മരം മുറിക്കണ സ്ഥലത്തെക്കു നടന്നു...

വീടിന്റെ പിന്നിലാകെ കാട് പിടിച്ചു കിടക്കുന്നു...

അതിനിടയിൽ എന്തൊക്കെയോ കൃഷി ഒക്കെ ഉണ്ട്...

അച്ഛൻ രാവിലെ എണീറ്റു മണ്ണു കിളക്കുന്നത്‌ വെറുതെ അല്ല...
വൈകുന്നേരം അമ്മ നനക്കുന്നതും കാണാറുണ്ട്.

മാവു പൂത്തിട്ടുണ്ട്...

പിള്ളേർ വെറുതെ അല്ല കല്ലെറിയണെ...

ഇന്നലത്തെ മഴയിൽ വാഴ വീണെന്നും,ഒരു താങ്ങു കൊടുക്കാനും അമ്മ പറഞ്ഞിരുന്നു...

അച്ഛൻ ആ പണിയിലാണ്...

മരം മുറിക്കാൻ വന്ന പണിക്കാർ ഇലകൾ എല്ലാം വെട്ടിക്കഴിഞ്ഞിരിക്കുന്നു...
ഞങ്ങടെ പറമ്പിലെ ഏറ്റവും വലിയ മരം ആണു മുറിക്കുന്നത്...പാല മരം...

പണ്ട് കാലത്ത് പ്രേത സിനിമകളിൽ പ്രേതത്തെ തളച്ചിരുന്നത് ഈ മരത്തിൽ ആണു...

അതുകൊണ്ട് തന്നെ ചെറുപ്പത്തിൽ എനിക്കീ മരത്തിന്റെ അടുത്ത് പോവുന്നതേ പേടിയായിരുന്നു...

എന്നാലും ആ മരം ഇപ്പോൾ ഇലകൾ ഇല്ലാതെ നഗയായി നിൽക്കുന്നത് കാണുമ്പോൾ ഒരു ഒരു സങ്കടം...

അപ്പുറത്തെ വീട്ടിലേക്ക്‌ വീഴാതിരിക്കാൻ  രണ്ടു കയറു കൊണ്ട് വലിച്ചു കെട്ടിയിട്ടുണ്ട്...

മഴു ഒന്നും അല്ല ഇപ്പോൾ...ഡീസെലിൽ പ്രവർത്തിക്കുന്ന  ഒരു ശക്തിയേറിയ മെഷീൻ ആണു...
അതാവുമ്പോൾ അഞ്ചു മിനിറ്റ് കൊണ്ട് പരിപാടി കഴിയും...

കെട്ടിയിട്ട നഗ്ന ആയ ആ മരത്തെ ആ മെഷീൻ നിമിഷങ്ങക്കുള്ളിൽ അറിഞ്ഞിട്ടു...

ആ മരത്തിന്റെ ഓരോ വേരും  എനിക്ക് മുന്നേ ഓടിയവർ ആയിരുന്നു...

എനിക്ക് വേണ്ട തണലും,ഭക്ഷണവും, പിന്നെ ഒരിറ്റു പ്രാണ വായുവും തരാൻ വേണ്ടി...

എന്നിട്ടും അതിനെ വെട്ടി തുണ്ടം തുണ്ടം ആക്കുമ്പോൾ നോക്കി നിന്നു ഞാൻ...

പതിനായിരം മരം നടുന്നതിക്കാൾ ഒരുപക്ഷെ നല്ലത് ഒരു മരം സംരക്ഷിക്കുന്നതാവും...

കാരണം നമുക്ക് മുന്നേ ഓടിയവർ ആണവർ...

Comments

Post a Comment

Popular posts from this blog

ഹര്‍ത്താല്‍ ദിനത്തിലെ ബലിയാടു

-
ഗര്‍ഭിണി ആയ സഹോദരിയെ ഡോക്ടറെ കാണിച്ച് വരുന്ന വഴിക്ക് ഒരുപക്ഷെ , "വലുതായാല്‍ ഇവനെ നമുക്ക് ആരാക്കണം ചേച്ചീ" എന്ന ചോദ്യത്തിന്  അവന്‍റെ പെങ്ങള്‍ പറഞ്ഞിരിക്കാം , മാമനെപ്പോലെ രാഷ്ട്രീയം തലക്ക് പിടിച്ചു പോവാതിരുന്നാ മതിയായിരുന്നു എന്ന് . രാഷ്ട്രീയ കൊലപാതകം ജീവന്‍ എടുത്ത ഒരച്ഛന്‍റെ മകള്‍ വേറെന്ത് മറുപടി പറയാന്‍ ...! വീട്ടില്‍ എത്തി  മരുന്ന് വാങ്ങാന്‍ പുറത്തു പോയ അവന്‍ ഒരുപാട് വൈകിയപ്പോള്‍ അവന്‍റെ അമ്മയുടെ മനസ്സും ഒന്നു പതറിയിരിക്കാം .കാരണം അവനും അച്ഛനെ പോലെ ഒരു രാഷ്ട്രീയ പ്രവര്‍ത്തകന്‍ ആണ് . സ്വന്തം മകന്‍ വെട്ടേറ്റു മരിച്ച വാര്‍ത്ത ഒരുപക്ഷെ ആ അമ്മ അറിഞ്ഞത്  വാര്‍ത്തകളില്‍ നിന്നാകാം. മരുന്ന് വാങ്ങി വരുന്ന മാമനെ കാത്തു നിന്ന ആ പെങ്ങളുടെ ഉദരത്തിലേക്കുള്ള ശ്വാസവായു ഒരു നിമിഷത്തേക്ക്  നിലച്ചു പോയിരിക്കാം. ഫുട്ബോള്‍ മാച്ച് പോലെ ഓരോ നിമിഷവും ശ്വാസം അടക്കിപ്പിടിച്ചിരുന്നു ന്യൂസ്‌ ചാനല്‍ കാണുന്ന ഞാന്‍ അടക്കം ഉള്ള ജനതക്ക് ആ ജീവന്‍റെ വില ഒരു ഹര്‍ത്താലോ , പണിമുടക്കോ ആയിരിക്കാം ... മരിച്ചു എന്നുറപ്പ് വരുത്തി ഹര്‍ത്താല്‍ പ്രഘ്യാപിക്കുന്ന പാര്‍ട്ടി നേതാക്കള്‍ക്ക്  ഒരുപക്ഷെ ആ ജീവന്‍റെ
Read more

വെളിച്ചത്തിനു പുറകെ ഓടിയവർ

-
കുട്ടിക്കാലം മുതൽ നമ്മൾ കേട്ടുവളർന്നത് ഇരുട്ടിൽ നിന്ന് വെളിച്ചത്തിലേയ്ക്കു സഞ്ചരിക്കാൻ ആണ്. ഇവിടെ ഇരുട്ട് എന്നാൽ അറിവില്ലായ്മ, മോശം എന്നീ അർത്ഥങ്ങൾ ആണ് സൂചിപ്പിക്കുന്നത് എങ്കിൽ, വെളിച്ചം അറിവ്, ജ്ഞാനം തുടങ്ങി നല്ലതിനെ സൂചിപ്പിക്കുന്നു. എന്നാൽ വെളിച്ചത്തിനു പുറകെ ഓടിയവർ എല്ലാം ജീവിതത്തിൽ വിജയിച്ചിട്ടുണ്ടോ? പ്രകൃതി നമുക്ക് തരുന്ന സന്ദേശം അങ്ങനെ അല്ല! ഒരുപാട് കാലങ്ങൾക്കു ശേഷം ലഭിക്കുന്ന ഒരു മഴ. വരണ്ട മണ്ണിൽ മഴവെള്ളം പറ്റുമ്പോൾ ഉണ്ടാവുന്ന ആ ഗന്ധം. അതൊരു വല്ലാത്ത അനുഭൂതി തന്നെ ആണല്ലേ. എന്നാൽ ആ ഗന്ധത്തിനുള്ളിലൂടെ മണ്ണിനടിയിൽ നിന്നും പറന്നുയരുന്ന മഴപ്പാറ്റകളെ കണ്ടിട്ടില്ലേ. അവർ കാലങ്ങൾ ആയി ഭൂമിക്ക് അടിയിലെ ഇരുട്ടിൽ ജീവിക്കുന്നവർ ആയിരിക്കാം. മഴവെള്ളം മണ്ണിലേക്ക്  ആഴ്ന്നിറങ്ങുന്നതോടെ അവയ്ക്കു നിൽക്കക്കള്ളിയില്ലാതായിത്തീരുന്നു. പല സുഷിരങ്ങിലൂടെ അവർ പുറത്തേക്കു പറന്നുയരുന്നു. അതുവരെ ഇരുട്ടിൽ ജീവിച്ചിരുന്നവർക്ക്‌ വെളിച്ചം ഒരു അത്ഭുതം ആയതുകൊണ്ടാവാം, പിന്നീടങ്ങോട്ട് അവർ വെളിച്ചം തേടി ഓടാൻ തുടങ്ങുന്നത്. നമ്മുടെ വീട്ടിൽ കത്തിച്ചു വെച്ചിരിക്കുന്ന ഇലക്ട്രിക്ക് ലൈറ്റുകൾ, റോഡിലെ സ്ട്രീറ്റ് ലൈറ്റുകൾ, ക്ഷേത
Read more

പ്രവചനാതീതനായ മനുഷ്യൻ

-
Image
  പല കാലഘട്ടങ്ങളിലായി വിവാദമായ ഒരുപാട് വിഷയങ്ങളെക്കുറിച്ചുള്ള വാദ-പ്രതിവാദങ്ങൾ ഉയർന്നുവരുന്നതായി കാണപ്പെടാറുണ്ട്. എന്നാൽ വിഷയത്തിന്റെ തീവ്രതക്ക് അനുസരിച്ചു ഇവയെല്ലാം പിന്നീട് ചർച്ചചെയ്യപ്പെടാത്ത എന്തൊക്കെയോ ആയി എവിടേക്കോ പോയ്‌ മറയുന്നു. മനുഷ്യൻ അവന്റെ ദൈനം ദിന ചര്യകളിലേക്കു മുഴുകുന്നു.  മനുഷ്യന്റെ ദൈനംദിന ചര്യകൾ പോലും ഒരു തിരക്കഥ പോലെ എഴുതി തയ്യാറാക്കി ഉണ്ടാക്കിയ ഒരു ശക്തിയെക്കുറിച്ചുള്ള അന്വേഷണത്തിനു ആണ് നമ്മൾ ഇവിടെ തുടക്കം ഇടുന്നത്. ലോകത്തെ മൊത്തമായും, നമ്മൾ ഓരോരുത്തരെയും നിയന്ത്രിക്കുന്ന ഒരു ശക്തി ഉണ്ടെന്നുള്ള വാദങ്ങൾ പല കാലങ്ങളിൽ ആയി ഉയർന്നു വന്നിട്ടിട്ടുണ്ട്. ഇല്ലുമിനാട്ടി, മട്രിക്സ് എന്നീ വാക്കുകൾ ഒരുപക്ഷെ നമ്മളിൽ പലരും കേട്ടിരിക്കാം. ഈ പേരുകൾ പോലും നമ്മുടെ ചെവികളിൽ എത്താൻപാടില്ല എന്ന് നിബന്ധനയുള്ള ഒരു ശക്തി നമ്മുടെ മുകളിൽ പ്രവർത്തിക്കുന്നുണ്ട്. മട്രിക്സ് !!! ഒരു മനുഷ്യൻ രാവിലെ എണീക്കുന്നത് മുതൽ, രാത്രി അവൻ ഉറങ്ങുന്നത് വരെ, പലപ്പോഴും ഉറക്കത്തിന്റെ സമയത്തു പോലും,  അവൻ/അവൾ എങ്ങനെ പ്രവർത്തിക്കണം എന്ന് തീരുമാനിക്കാൻ കഴിവുള്ള ഒരു ശക്തി. ഒരുപക്ഷെ ഇല്ലുമിനാട്ടി എന്ന് വിളിപ്പേരുള്ള ആശക്ത
Read more